| బలమైన దుర్గము| Mercy Margaret
----------------------------
నీ పేరుందంటావ్ నాకు తెలుసు..!

అందరూ విడిచి 
చీకటి ముసురుకునే వేళ

ఏ అరణ్యమో తెలియని చోటు నుండి
భయంకర శబ్ధాలు వినవస్తూ
ఒంటరిగా ఉన్న గుహలో
నా ఎదురుగా పేరు తెలియని 
జంతువులు హేళనగా
ఆకలిగా తిరిగే వేళ

నీ పేరుందంటావ్
నాకు తెలుసు..!

ఎవరూ కట్టలేని అధ్బుతమైన
కోట
ఎవరూ ఎక్కలేని ఎత్తైన కొండ
బాహువులు చాచి ఎదురు చూసే
నీ పేరే నాకు ఆశ్రయమవ్తుందని
నువ్వు ముందే చెప్పావ్

అయినా నా చెవుల్ని
మనసుని స్వాదీనం చేసుకున్న
దుష్టుడిని ఈ క్షణమే
నీ నామంతో ఓడించి
హృదయం చేతిలోకి తీసుకుని నీ పేరులోకే
వస్తున్నా
నువ్వే నా ఎదురుగా ఉన్నాక
వినలేని చెవులు నాకెందుకు?

------------ (10/5/2014)---------------

సామెతలు 18:10 యెహోవా నామము బలమైన దుర్గము. నీతిమంతుడు అందులోనికి పరుగెత్తి సురక్షితముగా నుండును.

కీర్తనలు 31:3 నా కొండ నాకోట నీవే నీ నామమునుబట్టి త్రోవ చూపి నన్ను నడిపించుము నా ఆశ్రయదుర్గము నీవే.