యేడ్చుచుపోవు విత్తువాడు
------------------------------
ఆయన 
పిడికిళ్ళ నిండా 
విత్తనాలు పట్టుకొని

ఏడుస్తూ విత్తుతున్నాడు

****

ఆ కళ్ళలోంచి
కన్నీటి చుక్కలు ఒక్కొక్కటిగా
నేలను రాలి
ఆతని బాధని
నేలతో పంచుకుని
గుండె బరువు కాస్తైనా
తగ్గించాలని

****
నేల
పాపం ఏం చేయగలదు
ఆకాశం వైపు చూస్తూ
ఆ కన్నీలని ఆపమని మేఘంతో
చెప్తూ
******
ఏ ఏ విత్తనాలో
తన గర్భంలొకి
చేరుతున్నాయో అని
ఆ నేల ఆసక్తితో గమనిస్తూ

****
ఒంటరితనం
ఓటమి క్షణం
అసహ్యపు అనుమానపు
అర్ధం లేదని జీవితాన్ని నిందించే
ఆశీర్వాదపు లేమితో
దరిద్రం చూసే
ఓపికలేని క్షణాలన్నీ
ఆ " దైవసన్నిధి" అనే
నేలలో నాటుతూ

****

కన్నీటి సిఫారసు
తీవ్రత సన్నిధి నేల నుంచి
విశ్వాసుల స్వరంలో కలిసి
ప్రార్ధన మెట్లెక్కి
ఆవిరిలా ప్రభు ముందు
నిల్చుంది
****
ఆయన తూరుపు గాలిని
పిలిచి
దక్షిణ హస్తంలోని మేళ్ళలో
కావల్సిన తడిని నింపుకొని
వెళ్ళమని సైగ
చెసాడు

*****
కనీళ్ళు సంతొషంగా
దీవెనల వర్షంతో పాటూ
పరుగెత్తి పరుగెత్తి వచ్చాయి
పిడికిళ్ళా నిండా పట్టుకొని
యేడ్చుచుపోతూ విత్తిన
ప్రతి విత్తనాన్ని
తాకయి
****
కోతకాలమొచ్చింది
పంట చేతికొచ్చింది
కొడవలి పట్టుకొని
విశ్వాసపు తొడుగుతో ఓర్పుగా
కనిపెట్టి
పంటకోస్తూ మళ్ళీ కన్నీళ్ళే
"ప్రభుసన్నిధి" నేలపై
కృతజ్ఞత దూపంగా రాలాయి

****
ఇప్పుడు
అతను
సంతోషగానంతో పనలు
మోసుకొని
వెళ్తూ
ఎక్కడ పడితే అక్కడ
విత్తనం నాటి మోసపొయిన
వాళ్ళకి
"దైవసన్నిధి" నేలను పరిచయం
చేస్తూ ..♥
(కీర్తనలు 126:6 పడికెడు విత్తనములు చేత పట్టుకొని యేడ్చుచుపోవు విత్తువాడు సంతోషగానము చేయుచు పనలు మోసికొనివచ్చును....)
BY-Mercy Margaret (7th agust 2012)

ఒక గొప్ప స్నేహం నాకు తెలుసు
వింటావా ?
*******************
అంత గాఢమైన కౌగిలి
మునుపెన్నడు లేదు వారిరువురి మధ్య

ఇక ఎన్నటెన్నటికి విడిపోబోతుంటే..
చివరి క్షణాల్లో పెల్లుబుకుతున్న లావా
యెడబాటు తట్టుకొలేక
గుండెలో
పేలుతున్న అగ్ని పర్వతాలు
గుక్క పట్టి ఏడుస్తూ ఇద్దరూ
ఎప్పుడూ కలుసుకునే పొలం
కలిసి కూర్చునే స్థలం కూడా
వారి రోదనని అర్ధం చేసుకుని
మూగ నిట్టుర్పులు విడుస్తూ...

కారణం ?
మూర్ఖుడైన తండ్రి చేతినుంచి
స్నేహితుని కాపాడాలనుకునే ప్రయత్నం
--

ఆ కన్నీళ్ళ సుడిగుండాల్లో
వారి స్నేహనికి పడ్డ దారులు గుర్తుచేస్కుంటూ
బలశాలి ,సంగీతకారుడు ,ప్రియుడు ,సౌమ్యుడయిన
స్నేహితుడు దావీదు
తండ్రి సౌలు ఆస్థానంలో శ్రావ్యమైన సంగీతం వాయిస్తూ
ప్రజ్ఞతో శౌర్యంతో గొల్యాతునోడించి
హృదయాన్ని గెల్చుకుంటే
తనని చూసిన రోజే
నా హృదయం తనతో కలిసిపోతే
పెనవేసున్న బంధం స్నేహ వనం నిండా
గుప్పుమంటూ అలుకున్న పరిమళభరిత సుగంధ
గాఢమైన స్నెహ బంధం మాది

అందుకే నా దుప్పటిని,కత్తిని, విల్లును నడికట్టును తీసి
దావీదు కిచ్చి
ఒప్పందం చేసుకొని ఇరువరం సమమే అని
నా ప్రాణస్నేహితుడుగా తనని
ఉండిపోమని

ఇప్పుడు ఒప్పందం మిగిలింది
నా స్నెహితునితోనే నా స్నేహం కోసం
కాని అమావాస్యనాటి దురాత్మకి లోబడుతూ
నా తండ్రి నాకు చేసిన ప్రమాణం మరిచిపొతూ
నా ప్రాణాన్నే హత్య చేసే ప్రయత్నం తీవ్రతరం చేస్తే

వెళ్ళిపోమంటున్నా
తన తండ్రి దగ్గరికే
వెళ్ళిపోమంటున్నా
నా ప్రాణాన్ని కూడా తనతో తీస్కెల్లమంటూ
యోనాతానుని నిస్సహయున్ని

--
ఇక చూస్తానో లేదో
నా ప్రాణన్ని అని ఇద్దరు రోదిస్తూ
కలిసి తిరిగిన పొలాలు
కలియ తిరిగిన స్థలాలు
కలబోసుకున్న కలలు ఊహలు ఊసులు
కలిసి సాదించిన విజయాలు
ఒక్కొక్కటి నెమరు వేసుకుంటూ

గాలికి కుడా భారమయ్యె నిశ్వాసల
శబ్ధాల్లో రొదనని శ్రుతి కలిపి
ఆలపిస్తూ
చివరి సారి కలిసి ఇష్టమైన కీర్తన
పాడుకొని
చెరోవైపు మళ్ళారు

-------
ఒక విశాద వార్త
దావీదును ఒక్క క్షణం పొడిచేసింది
తన పక్షపు వారి
చేతుల్లో యోనతాను సౌలుల మరణం
రాజరికంలో పుట్టి పెరిగి
గొర్రెల్లు కాచుకునే తనని స్నేహితుని
చేసుకొని
చివరికి తనని కాపడే ప్రయత్నంలో
తన ప్రాణాల్ని లెక్క చెయకుండా
తన కోసం ప్రాణం పెట్టిన స్నేహితుడు
అస్తమించాడు
ఒక గొప్ప స్నేహాన్ని తనకిచ్చి

********
కనీళ్ళ నదులు కట్టలు తెగుతుంటే
మళ్ళీ అదే దృశ్యం
కలువరి సిలువలో నాకోసం
నా స్నేహితుడుగా
యేసు మరణం
నిత్య జీవమిచ్చు క్రమంలో
నా ప్రాణ ప్రియుడుగా వుండడానికి
తనను తాను అప్పగించుకున్న వైనం
ఇంకెవరి స్నేహం తనకు సాటి రాదని
నిరూపిస్తూ
చిరకాల స్నేహం పూయిస్తూ
నా కోసం తపిస్తూ నా జీవం నా సర్వం
నా యేసే స్నేహ మాధుర్యంగా
అంకితమిస్తున్నఆయనకి నా జీవితం ♥
(BY-Mercy Margaret (5/8/2012)
HAppy Friendship day to All of my friends :) ♥ u all ...GBU all :)

 

నాకు ఒక శవం ఎదురైంది 
మాట్లాడుతుంది
నడుస్తుంది
శ్వాసిస్తుంది 
నవ్వుతుంది 
ఏడుస్తుంది
కాని అదంతా జీవం లేక
ఎండిపోయిన చెట్టు చేస్తున్న
ఆర్భాటం లాగే అనిపించింది

అడిగా దాన్ని
నువ్వు శవం ఎలా అయ్యావ్ అని ?
తలదించుకొని
నా పేరు సార్ధీస్ సంఘం అంది

నీ కధేంటి ?
అని అడిగా

-"నేను తెల్లని వస్త్రాలు ధరించుకోలేదు
నా పనులు ప్రభువు యెదుట సరిగా కనబడలేదు
విన్న ఉపదేశాన్ని మనస్కరించి అనుసరించేలేదు
ఆయన కోసం జాగరూకతతో ఎదురుచూడలేదని
యోహానుతో వ్రాయించాడు

ఇదో
అప్పటి నుంచి ఇలా
బ్రతికే ఉన్నా చచ్చిన దానిలా
చావనైయున్న మిగిలిన వారిని ప్రభువైపుకు
నడపాలని
దొంగలాగ వచ్చి నన్ను నిలదీసినట్టే
మీ అందరిని నిలదీసే రోజు ఒకటుందని
ఉదాహరణగా తిరుగుతున్నా

జయించిన వానికి జీవకిరీటం
ఇచ్చి
జీవగ్రంధంలో పేరు తుడవక
దూతల యెదుట ఒప్పుకొని
హత్తుకుంటానికి
ఆయన దినమెల్ల చేతులు చాచి
ఎదురు చూస్తున్నాడని
అందరికి చెపుతూ తిరుగుతున్నా

నాకు మళ్ళీ చిగురించే రోజు ఉందని
ఆయన నీటి ఓరన నన్ను నాటి
ఫలించే కొమ్మగా
ఆయన సన్నిధిలొ దివారత్రులుండి
నన్ను నేను సజీవ సాక్షిగా ..
మార్చుకుంటానని కన్నీళ్లు
విడుస్తుంది --"

ఆ శవం రూపంతరం చెందాలని కోరుతూ
నువ్వెలా ఉన్నవాని
ఒక ప్రశ్న నా ముందు సవాలుగా
ఉంచుతూ...నా స్థితి నాకు
చూపిస్తుంది
(జీవించుచున్నావన్న పేరు మాత్రమున్నది కాని నీవు మృతుడవే ప్రకటన 3:1-7)
♥(By-Mercy Margaret (28/7/2012)♥

పేతురు -చలి
---------------
ఒంటిని వణికిస్తున్న
చలి 
పులిలా ఎముకలని కొరికేస్తున్న
చలి 
కాని తనకు మాత్రం 
అల్లకల్లోలమైన గుండె మధనంలోనుంచిరక్షకుడని
తనకు తెలిసిన వాడేమవుతాడో అని
వేడిపుట్టిస్తున్న భయం

అప్పటికే ఇద్దరడిగారు
నువ్వు యేసుతో కూడా ఉండువారిలో
ఒకడివి కదా అని
ఏమని తప్పించుకున్నాడు
అబద్దాన్ని కప్పుకున్నాడు
వెచ్చని దుప్పటి కన్నా
అదే బాగున్నట్టుంది

ఆ చిన్నదెవరో
తననే చూస్తుంది దగ్గరగా వచ్చి
యేసువాడివేగా అంది
మళ్ళీ అబద్ధం
వేళ్ళకు వేడిగా చలికాచుకునే
మంట అంటుకున్నా స్పర్శెక్కడిది
మూడొసారి బొంకుకే
ఒప్పుకుంటూ కొడి కూసింది

ఆయన
మాటలు గుర్తొచ్చాయి
-"నన్నెరగవని ముమ్మారు చెపుదువని"
ఎక్కడి చలి
నమ్మకాన్ని వమ్ము చేసిన శిష్యరికానికి
చచ్చిపొయేంత బాధ
అబద్దపు దుప్పటి
అవిశ్వాసాన్ని తరిమేయని అగ్గి
ఎంత కాలం కాపాడుతుంది?

కళ్ళలో కన్నీరు
పశ్చాత్తాపం గుండెని కడిగేస్తుంటే
ఆ క్షణం
నీవు దేవుని కుమారుడవైన క్రీస్తువని
ఒప్పుకున్న పెదాలు
ఇప్పుడు పలికిన అబద్దాన్ని బట్టి పల్ల కింద
నలిగిపొతుంటే
విరిగి పోయిన హృదయాన్ని
ఇప్పుడు ప్రభుకివ్వాలని
ఆయనని హత్తుకొని గట్టిగా ఏడ్వాలని
బయలు దేరిన
పేతురు

నీలొ నాలొ మనతో ఎందరో
తెలిసి ఒప్పుకోని స్థితి
ఆయన ప్రక్కనుండగానే
గుర్తించలేని దుస్థితి
(BY- Mercy Margaret (25/7/2012 )

పచ్చ పచ్చగా  
ఆ గడ్డి పిలుస్తోంది నన్ను 
ఇంత మంచి స్థలం వదిలి 
ఈయనేంటి అటేటో వెల్తాడు ?


దాక్కుని దాక్కునే వెళ్తున్నా హమ్మయా 
నా" స్నే"హితులందరూ 
నా కన్నాముందుకెల్లాయి
యాహూ ...
ఇంకే ఇష్టమున్నంత సేపు ఆడుకొని వెళ్తా 
ఏయ్  కొండ కోన 
వాగు వంక 
చెట్టు చేమ 
నాతో పాటు కలిసి పాడేయండి 
చిన్న గొర్రె పిల్లనేను ఏసయ్యా అని 


ఏంటి 
గుండెలు దద్దరిల్లేలా గర్జిస్తున్న శబ్దం 
సింహమే .. 
అవును సింహమే 


చక్కగా ఆయన ప్రక్కనే నడుస్తూ 
దుడ్డు కర్రతో అందించిన ఆకులు అలములు 
తింటూ ..
పచ్చిక జలాలదగ్గర తీస్కెళ్ళి సేద తీరుస్తుంటే 
ఊరుకోక 
నాకు నేనే తెచ్చుకున్న ఉరి .. 
పరుగెత్తి పరుగెత్తి వచ్చి పడ్డ ఇదే 
అపవాది నాకై త్రవ్విన ఊబి 


ఆ శబ్దం నా దగ్గరకొస్తుంది .. అదో వచ్చేస్తుంది
నా పాట గాలిలో కలిసినట్టు 
నేనూ కలవాబోతున్నాని  తెలుసు
ఒక్కసారి నా కాపరి స్వరం విన వస్తేబాగు 
అరిస్తే -"నేను " దొరికిపోనా ఆ సింహానికి
 దేవా ఎలాగు ?


మూసుకున్న కళ్ళలో ఆగని కన్నీరు 
వీడి వచ్చిన జీవాన్ని గుర్తు చేసుకునే తీరు 
తిట్టుకుంటే ఏంటి ఇప్పుడు బుద్ది లేదు లేదు 
ఇంకెక్కడి ఆశ పోతుంది ప్రాణం ఎలాగు
క్షమించు నా కాపరి దారి తప్పిన పిల్లను 


దగ్గరవ్తున్న సింహపు శబ్దం..

నా మెడ నొక్కు తున్నదెవరు ఊపిరాడడం లేదు
కాపరి దుడ్డు కర్ర మెడచుట్టు చేసిన గాయం  చూడు 
అయినా పర్లేదు నేను బ్రతికి పోయా 
తను కొట్టినా నన్ను... నాకు  బ్రతుకు నేర్పటానికే నేడు 


ఎంత ప్రేమ చూడు ఆయనకి 
నాకోసం గాయాలు తగిలించుకొని రక్తాలు కారినా 
నా గాయాలు కట్టి నన్ను ఎత్తుకున్నాడు 
ఆ కళ్ళలో నుంచి నాకోసం 
ఆరాటంతో కారుతున్న కన్నీరు 
అలా నా మొహాన్ని తడుపుతుంటే 
ఇంకెప్పుడూ ఆ ప్రేమని నా కాపరిని 
చచ్చిపోతున్నా వదలనని 
కారుతున్న నా కన్నీరు 
గాయపడి స్రవిస్తున్న 
తన పాదాలపై ప్రమాణ పూర్వకంగా ...
--{@ by- Mercy Margaret (18/7/2012)@}--

నాలో ఒక అగ్ని పర్వతం
నాలో ఉవ్వెత్తున్న ఎగిరిపడుతున్న
కాంక్షల అలల ప్రవాహం
నాలో నన్ను ఏదో నెడుతూ
కాళ్ళు నిలువనీయని ఆలోచనల
స్వైర విహారం

ఆయనేవారో చూడాలి
ఈ ఎరికో ప్రజల మాటల నిజానిజాలు తేల్చాలి
ఓ మనిషిని ఇంతగా వెంబడిస్తూ
ఆయన చేసిన అధ్బుతాల సాక్షాలని నేరుగా
పసిగట్టాలి

ఎలా ఛ?
పొట్టితనం నాకడ్డు ఎలా అవ్తుంది
చూడాలనే తపనకి మార్గాలని వెతుకున్ని
శరీరం లోపమన్న ఆత్మలో తీవ్ర కాంక్ష బలం
నన్ను సాధ్యానికి సరి పడ ఎత్తుకి తీసుకెళ్తే
ఈ మేడి చెట్టు చాలదా ?
నా అవకాశంగా .. ఆయన్ని చూసే
తొలి అడుగుల ప్రయత్నంగా

అంత మంది చుట్టుముట్టి
నడుస్తున్నజనంలోంచి
దాక్కున్న ఈ చెట్టు కిందనుంచి ఆయన వెళ్తుంటే
చూస్తున్నా..
ఒక్క క్షణం నా గుండె వేగం పెరిగింది
కప్పుకు కూర్చున్న కొమ్మల నడుమ నుంచి
ఆ రూపం గుండెలో దిగి నా చీకటిని నరికేస్తూ
నన్ను వణికిస్తుంది

అదో అదో
ఆయనెందుకో ఆగాడు
ఏంటి ? తల పైకెత్తాడు
జక్కయ్య అని ఎవరో చెప్పినట్టు
నా పేరు పిలిచి దిగమన్నాడు

సర్వాంతర్యామి కదా !
ఒప్పేసుకుంది మనసు ఆయనకి
నేను  కడుపులో ఉన్నప్పుడే తెలుసని
అంగీకరించింది మనసు అతనే నా
రక్షకుడని
నా ఇంటికొస్తానన్న ప్రభుని
హృదయ తలుపు తీసి పిలిచా
నశించి పోతున్న గొర్రెనైన నన్ను రక్షించి
అబ్రహాము కుమారుడని పిలిచి
అవినీతి  కొమ్మల్ని నరికి
"నీతి"కొమ్మైన తనకు అంటూ కట్టుకొని
ఆత్మ ఫలం ఫలించగా
నాతో ..నాలో .. తానే అయ్యాడు
సుంకరిని శుద్దునిగా చేసి హత్తుకున్నాడు
నా రక్షకుడు

BY - mercy  margaret (14/7/2012)

పరుగెడుతున్న జీవిత గడియారం 

ఎక్కడ దాని కాళ్ళు  ఆగిపోతాయో 

పరుగెత్తి పరుగెత్తి 

సమయాన్ని చూపిస్తూ దినమంతా చాచిన 

చేతులు 

అలసి ఆగిపోయే గడియ ఏదవుతుందో ?

నిమిషాలన్నీ ఒక్కొక్కటి వెనకకి 

విసిరేస్తూ 

నీకు తెలియకుండా లెక్కలతో ఆయువును 

మూటగడుతూ

 మర్చిపోతున్నవేమో??

వర్తమానమే నీది 

నిన్న రేపుల సంబంధివి  కావని 

జాలిపడుతుందదో  గడియారం 

శరీరపు సుష్కింపు చూసి కాదు 

ఆత్మ శరీరాన్ని ఒదిలి ప్రయాణించే 

గమనాన్ని తెలుసుకోమని 

కాలాలు సమయాలు ఆదినంలో ఉంచుకున్న 

తండ్రి  చేతులకు

నీ ఒపిరి ,ఆత్మల తాళపు చెవులు ఇవ్వమని 

రంగు రంగుల బుడగల క్షణాలు నీవి నావని 

అందమైన అడవిపువ్వులా ఉదయ సాయంత్రాల 

పరిది మాత్రమేనని 

వెనక్కి వెళ్ళని సమయం ముందుకు నెడితే 

సరి చేసుకొని హృదయాన్ని 

గురి వద్దకు పయనించే  పరుగు నేర్పమని 

ఇదే అనుకూల సమయం 

రక్షణ గడియలను స్వతంత్రిన్చుకునే క్షణం 

ఆలస్యం , ఇంకెందుకు 

ఆత్మ దీపాన్ని ప్రభు చేతిలో పెట్టగా 

చిందించిన సిలువ రక్తంతో పాప క్షమాపణ పొంది 

సిలువ దారిలో పరము చేర ఇష్టపడగా 

ఇదే అనుకూల సమయం 

రక్షణ గడియలను స్వతంత్రిన్చుకునే క్షణం