సంతోషాన్ని ఫోటో తీసే ప్రయత్నంచేసి ఓడిపోతుంటే 
సంతోషం అన్ని రెట్లెక్కువవుతుంది ఏంటో??

అప్పుడే ఆయన ముఖంవైపు తేరి చూస్తా..!!
కన్నీటికి ప్రతిగా ఆనందతైలాన్ని
బూడిదకి ప్రతిగా పూదండనీ
చేతుల్లోకిస్తూ
నన్ను నుదుటిపై ముద్దు పెట్టుకుంటాడు

ఆయన మృదువైన హస్తాల్లో నన్ను చెక్కుకున్న
తావు చూపిస్తూ
నేనాయనకు ఎప్పుడూ ప్రత్యేకమైన దాన్నని
ప్రేమగా హత్తుకుంటాడు

అప్పుడు ఆకాశం నవ్వుతూ
నన్ను ఆయన్నీ ఫోటో తీస్తుంది
సంతోషం ఆయన రూపమై కనిపిస్తుందప్పుడు నాకు
అచ్చం ఇప్పుడు కనిపిస్తున్నట్టే.........
_________________(17/12/2013)