l l తమసోమా జ్యోతిర్గమయా l l by Mercy Margaret
--------------------------
నా హృదయం
విరిగిన ప్రమిద
దీపానికి పనికి రాను

త్రొసివేయబడి
త్రొక్కబడుతూ
రోదిస్తూ ఇలా పెంటకుప్పపై

ఒక స్వరం అడుగుతుంది
ఆ విరిగిన హృదయమే కావాలని
చెల్లా చెదురై విరిగిపడిఉన్న
హృదయ ప్రమిదను
ఆరిపోయిన ఆత్మ దీపాన్ని
మళ్లీ నేను వెలిగిస్తానని
పనికిరాదని ప్రక్కకు నెట్టిన
నిన్నే వాడుకుంటానని

ఎవరని అడిగా
పరమకుమ్మరన్నాడు
లోకానికి వెలుగును
నిన్నూ వెలిగిస్తానన్నాడు
ఉన్నపాటున
సమర్పించుకున్నా
అలాగే
నన్ను పిలుస్తున్న జీవపు వెలుగుకు
నా యేసునకు ..
---------------by Mercy Margaret (13/11/2012)-------