|| ప్రార్థన మందిరం || by Mercy Margaret
----------------------
యేసు - "నా మందిరము ప్రార్థన మందిరమనబడును అని వ్రాయబడియున్నది, అయితే మీరు దానిని దొంగల గుహగా చేసెడివారనెను ....."
ఒక్కసారి ఇదే మాటను 
ఆకాశం నుంచి వినిపించేలా ఘర్జించయా .. 
అప్పుడైనా మా వెన్నులో ఒణుకు పుట్టి 
నీ వైపు కనులెత్తుతామ్ 

ఒక సారి సంఘాల పునాదులు దద్దరిల్ల జేయయా
చిన్నల మొదలుకొని పెద్దల వరకు 
వినయ మనస్కులమై నీలా మారేందుకు
అహానికి సిలువేస్తాం

ఒక్కసారి మా కళ్ళను నీ రక్తంలో ముంచయా
నీ దేహం మా కోసం మోసిన
పాపాల్ని చూసి సిగ్గుపడతాం

నీ రక్తం కార్చగా కట్టిన సంఘాలపై
నీ ఆత్మాగ్ని కురిపించు
ఆరిపోయిన మా ఆత్మ దీపాలు వెలిగించుకుంటాం
బుద్దిగల కన్యకల్లో ఒకరమవుతాం ....
---------------- (15-4-2013)---------