|| కాంతి కౌగిలిలో || by Mercy Margaret 
------------------------------------
-'చీకటి ప్రదేశాలు దాటెల్లాలి 
నాకొంచెం వెలుగివ్వు' 
అడిగా ఆ కాటి కాపరిని 

కొంచెం వెలుగో, కాగడ వెలుగో ఎందుకు ? 
ఆయన చేతిలో నీ చేయి వెయ్యి 
చీకటనుకున్నదంతా 
ఏమవుతుందో చూడు అని సమాధానం

మేకులు దించిన చేయి నా వైపు చాపి
ఆయన ప్రశాంతంగా నవ్వాడు

ఆ కళ్ళలోని ఆదరణ చూస్తూ
అతని చేతిలోకెళ్ళిన నా చేయి

వెంటనే ఆ నిమిషం
నిజ ద్రాక్షావల్లిలో అంటుకట్టబడ్డట్టు
ఎండిన నరాల్లో ప్రవహించిన జీవం
మరణాన్ని దాటాను
నేనిప్పుడు వెలుగుకు సొంతమయ్యాను .
________( 11/10/2013)_______