|| నీ మాటలకి రుచి ఉందా ?? || by -Mercy Margaret 
-----------------------------
ఇంకొకరికి వడ్డించే ముందు
ఒక్క సారి
నీవు వండిన మాటలు 
నీవే తిని చూడు

తీపి చేదుల 
రుచిని తెలిపే గ్రందులు 
ఇంకా నీ మెదడు నాలికపై బ్రతికే 
ఉన్నాయిగా 

హృదయంలో 
అభిప్రాయాలని , ఆలోచనలని
భావా లని వండేప్పుడు
ఏవేవి ఎంతెంత అవసరమో 
మంచి చెడుల పధార్ధాలు కలిపి వండే
విచక్షణ నేర్పమని
నీ ఆత్మ ప్రభోదకున్ని అడుగు 

లేకపొతే 
నష్టాల పట్టికలో నీ పేరు కూడా
చివర్న నువ్వె రాసుకోవల్సి వస్తుంది

జ్ఞాపకం వుందా??
నీ హృదయం దేనితో నిండి ఉండునో
నొరు అదే మాట్లాడును అని 
అందుకే 
మాటలకి కూడా లెక్క చెప్పాల్సిన 
రోజొకటుంది
జాగ్రత్తా....

---------------- by Mercy Margaret (20/10/2012)-------------------