ఒక్క మాటతో- 
నిరాకర శూన్యం నుంచి సృష్టిని ,
-అగాధ జలములపై చీకటిని 
వెలుగును పిలిచి ఓడించి ..
చీకటి వెలుగుల చేసి ,

ఒక్క మాటతో-
జలముల మధ్య ఒక విశాలము కలిగి
ఎల్లల్ల లెక్కలు నీవేరిగి
ఆకాశమును చెసి,

ఒక్క మాటతో-
క్రింది విశాలమును నుండి నేల కనబడగా
పిలిచి,
భూమి ,సముద్రములు ,
తమ తమ జాతి చెట్లు , విత్తనములు
మొలిపించి,

ఒక్క మాటతో
పగలును రాత్రిని చీల్చి
సూర్య చంద్రులను , నక్షత్రాలను చేసి

ఒక్క మాటతో -
ఆకాశం నుండి పక్షుల,
జలములనుండి
జలచరాలను యిట్టె కలుగచేసి,

ఒక్క మాటతో -
భూమి జాతి చొప్పున ప్రాణులు ,పురుగులు
జంతువుల పుట్టింపగా జేసి ...

ఒక్క మాటతో కాదు నీ చేతలతో నే
నాపై ప్రేమ చూపాలనా దేవా..!!

మట్టి ముద్దను నీ చేతుల్లో తీసుకొని
కుమ్మరిలా కూర్చుని
నెమ్మదిగా నీ రూపం కలుగునట్టు
యుగాల రహస్యాలను నా నిర్మాణంలో చూపిన
ఎంత గొప్ప శిల్పివి నీవు ..
ఎంతటి నిర్మాణకుడవు నువ్వు దేవా

శిరసానమామి స్వామి ...
హృదయ దేవాలయాన నెలకొని
పాలించు మా ప్రభు "ఉన్నావాడ అనువాడ"
సర్వాంతర్యామి ..సదాప్రణామి

--{@ ♥ BY-MERCY MARGARET ♥@}--(23/6/2012...6.00 pm)