"నా కృప నీకు చాలును
_________________
ఒక ముళ్ళు అలాగే ఉండిపోయే
లోలోపల గాయాన్ని
రేపుతూ .ఆ గాయం నొచ్చుకున్నప్పుడల్లా
నీ వైపు నా కనులు త్రిప్పి
చీకటి తిమిరాలు బాపుతూ

చేదునంత తీసుకున్న నిన్ను
మది తలంచుకుంటూ
చిరక పుచ్చుకున్న క్షణాలను నీకిచ్చిన నేను
ద్రాక్షరస ధారలే నాకిచ్చిన నిన్ను
తనివి తీర గుర్తు చేసుకుంటూ

పాపులలో ప్రధముడనై
ప్రేమ జాతినే హింసించాలని
నీ నామాన్ని మంటుపెట్ట ప్రయత్నించినా
దమస్కు మార్గంలో నీ దర్శనం
నా గుండెల్లో రగిలించుకుంటూ

ముద్ధాడుతున్నా ప్రభు ..ఆ రక్త సిక్త పాదాలు
మొరలిడుతున్నా ప్రభు .. ముళ్ళు తీయమని బ్రతిమాలుతూ

ఆ చలువ కనుల చూపుల్లో
ఆ చేతి గాయపు స్పర్శగాఢతతో
నీ గుస గుస వినిపిస్తునావు ..
"నా కృప నీకు చాలును అంటూ " ..

--{@ ♥ BY -Mercy Margaret (22/6/2012 ....9.00 pm ) ♥@}--
_________________