నాతో వస్తావా ?
హృదయంలో పొంగే దుఃఖాన్ని
నలుగగొట్టే భారమైన భాదల్ని
భుజాలపై మోసుకెల్తున్న నీవు
అంధకార మూటల బరువుల్ని
తీసివేసి
రూపు దాల్చిన వాక్యమైన వాని
దగ్గరికి

నాతో వస్తావా ??
మోసం చేసి పారిపోయి
ప్రేమా, సమాధానం వెలగా కట్టి
భద్రత కొందామని
అయోమయపు కట్లలో చిక్కుకున్న నీవు
హృదయాన్ని విడిపించుకోలేక
స్వనీతి బరువులను మోయలేక
కృంగిపోతున్న వేళ
నీతి కిరణాలు నీపై ప్రసరింపజేసి
ఆ కట్ల నుంచి విడిపించు వాని దగ్గరకి

నాతో వస్తావా ??
ఆశలకోరకై పరుగెత్తి దురాశను
గర్భాన మోస్తూ
పాపపు బరువును దించుకోలేక
దారులు వెతుకుతున్న నీవు
నీ కట్లు తెంపి నీకు విడుదల నిచ్చే
గొర్రెపిల్ల హస్తాల దగ్గరకు

నాతో వస్తావా ?
నా బరువులు తీసివేసి
నాతో సహవాసం చేస్తూ
పచ్చిక బయళ్ళలో నా ప్రాణాన్ని
నడిపించే
రక్షకుడు యేసు క్రీస్తునొద్దకు ...
--{@ By-Mercy Margaret (28/6/2012)@}--

 —