నా హృదయం నీ మందిరమేగా
యేసు నీ కోసం దానిని సిద్ధపరచనా ?
ఒక్కసారి అడుగు పెట్టావా ప్రభు
నా హృదయాలయం పావనమవగా ..

భ్రష్టు పట్టిందయ్య హృదయం రోత ఆలోచనలతో
మష్టుతో నిండిందయా - మంచి ఏ మాత్రం లేక
తిష్ట వేసుకొని కూర్చుందయ్యా పాపం
నిష్ఠ ఏమాత్రం లేని ఆత్మీయ రోగపు స్థితిలో
అందుకే
ఒక్కసారి అడుగు పెట్టయ్యా యేసయ్యా
నా హృదయాలయం పావనమవగా ..

తట్టి తట్టి వెళ్ళిపోయావా ? యేసయ్యా
తప్పునాదేనయ్యా
తప్పుల భ్రమలో తూలుతూ - తండ్రీ
నీ పిలుపు వినలేదయ్యా
త్రోవ తప్పి తిరుగుతూ అలసిపోయానయ్యా
తప్పి పోయిన కుమారుడనై మళ్ళీ నీ చెంత
చేరానయ్యా
అందుకే
ఒక్కసారి అడుగు పెట్టయ్యా యేసయ్యా
నా హృదయాలయం పావనమవగా ..

హృదయపు తాళపు చెవి ఇదిగో యేసయ్యా
జీవపు వెలుగై ప్రవేశించయ్యా ..
పాపరోగం పోయేనయ్యా
ప్రశాంతత హృది నిండేనయ్యా
జీవం నీవేనయ్యా యేసయ్యా
నీ రక్తంతో నన్ను కొన్నావయ్యా
దావీదు కుమారుడా కరుణించయ్యా అంటే
హృదయం అంతా నిండేవయా
అందుకే
ఒక్కసారి అడుగు పెట్టయ్యా యేసయ్యా
నా హృదయాలయం పావనమవగా ..

BY-MERCY