వెర్రి వాడినా ?
అవును .. 
చీకటిలోనుంచి వెలుగులోకి 
మరణంలోనుంచి జీవంలోకి 
అబద్దం నుంచి నిజానికి 
క్షయం నుంచి అక్షయానికి
దాటాలని అనుకుంటున్నా కదా....

నా కళ్ళేప్పుడూ ఆకాశం వైపే చూసాయి
ఏదో ఈ భూమికన్నా ఉన్నతమైనది ఉందని
ఆలోచనల్ని జ్ఞానాన్ని ఉపయోగించి నన్ను నేను
కాపాడు కోలేనప్పుడు
ఎంత ప్రయత్నించినా ఇంకేందో అసంతృప్తితో నన్ను నేను
ఈ లోకాన్ని చూసినప్పుడు

శాశ్వతమని నమ్మి ,సంబరాల్ని చేసుకునే
మనుషుల్ని చూసినప్పుడు
మంచి దారులన్నీ చెరిపేసి ,నీతి నిజాయితిలకి
నీళ్ళు వదిలినోళ్లను చూస్తూ
వావి వరసలని మర్చి , తమలోని రాక్షసులని
మేల్కొల్పుతున్నప్పుడు
పేగు బంధాలని ఛీ కొట్టి విచ్చలవిడి తనమే లోకమనుకునే
వాళ్ళని చూసి
ఎక్కడున్నానని నన్ను నేను ప్రశ్నించుకుంటూ

నా చుట్టూ ఒక వెలుగు వలయం కావాలని ప్రార్దిస్తునప్పుడు

దాటిపోవాలని ఈ మాయలోకం నుంచి
మచ్చ అంటకుండా బ్రతికి పవిత్రత కాపాడుకోవాలని
ప్రయతినిస్తూ ..
కుటుంబాన్ని కాపుదలతో
దైవ ప్రేమలో నడుపుతున్నప్పుడు .

దర్శించిన ఆ దైవ స్వరం నన్ను
రక్షణ ఓడ చేసుకోమని
పిలుపునిచ్చి ,కొలతలిచ్చి ,పర్యవేక్షిస్తూ
సమయమిచ్చినప్పుడు
జరిగిన విషయాల్ని చెప్పి మారమని ప్రాదేయపడ్డా
వినకుండా నన్ను ఎగతాళి చేస్తూ

నిజమే నీతిమంతుడని దేవుడన్నా..!! వాడా? అంటుంది లోకం
ప్రాణాల్ని రక్షించుకో, ప్రవచనం వచ్చిందన్నా
సైన్సు పరిజ్ఞానంతో సవాలు నిరుపించుకోమంటుంది
అమాయక జనం

నిజమే కదా ...
ఆ మేల్కొలుపు మాటలు -జీవితాన్ని కాపాడుకోమని చెప్పే మాటలే
నాకు రక్షణ
నా ఆత్మను కాపాడుకొనే ప్రయత్నమే
నా వెర్రితనం
అరిచి అరిచి ,, చెప్పి చెప్పి అలసి పోతున్న
నోవాహు స్వరం
--{@ BY-Mercy Margaret (26/6/2012...8.20 am )@}-