ఈ రాత్రి - ఆయన వాక్యం (by-Mercy Margaret -12/8/2012)
-------------------------------------------------------------

నిద్దర రాని సమయం 
కిటికీలోంచి తొంగి చూస్తే 
ఆకాశం అంతా వెన్నల 

మూసేసిన తలుపులు 
ముచ్చట్లాడుకుంటూ 
లోపలి రహస్యాలు
బయటకి చెప్పుకుంటూ
నవ్వుతూ కొన్ని 
ఏడుస్తూ కొన్ని 
కనిపించి వినిపిస్తునట్టూ 

ఆ ఇంటి  మీద 
పక్షి ఒకటి 
నోరు తెరిచి దేని కోసమో 
ఎదురు చూస్తూ
మూలుగుతూ కనిపించి
నన్ను నాకే గుర్తు చేస్తుంటే

ఎందుకో కళ్ళు 
ఆ గూటివైపుకు మళ్ళాయ్
పరిశుద్ధ గ్రంధం అని 
బంగారు వర్ణంతో మెరుస్తూ 
పుస్తకం 
చదువుమని పిలిస్తే

ఒక్కొక్కటిగా  
పుఠలు పుఠలుగా
తెరిచి చూస్తూ 
చదువుతూ ధ్యానిస్తున్నా

క్రొవ్వు మెదడు దొరికినట్టు 
గుండె జిహ్వకు తీపితగిలినట్టు
వాక్యమనే తేనె 
మన్నాతో కలిపి పెట్టినట్టు 
కాఠిన్యాన్ని సుత్తెలా కొడుతూ
మెత్తగా చేస్తూ 

వాక్యం నాలోకి 
నదులుగా 
ప్రవహిస్తునట్టుంది
ఎండిన దారుళ్ళో
ఎడారి స్థలాల్లో వర్షిస్తునట్టుంది 

చూరుమీది పిచ్చుకకి 
తోడుగా పక్షి వచ్చి కూర్చుంది
నా హృదయ గదిలో 
నా ఒంతరితనపు స్థలాలోకి 
వాక్యం శరీరధారియై 
ప్రవెశించింది

ఇమ్మనుయేలుగా
తొడుగా నిలచి
హృదయాన్ని దున్నుతూ 
మంచినేలగా చేస్తూ 
ధైర్యంగా నన్ను  
కౌగలించుకుంది 

ఈ చీకటి రాత్రి 
వెలుగుల జిలుగులు తోడు చేసి 
మేడ మీది పక్షిలాంటి నన్ను
తన జంట చేసుకుంది
పరిశుద్ధ గ్రంధం