Mercy Margaret ll తన పని జరిగించే గాడిద చాలు ll
-----------------------------------------------------

ఒక్కసారి చూడు 
ఆ గాడిద మాట్లాడుతుంది 

****
ఆత్మీయ నేత్రాలు 
మూసుకు పోయినప్పుడు 

అహంకారపు పొరలు 
అంతస్తుల కలలు,ధనాపేక్ష 
కళ్ళను కమ్మినప్పుడు

ఆశీర్వాదానికి వ్యతిరేకంగా 
శాపాన్ని వాడే ప్రయత్నం చేసినప్పుడు 

దైవ స్వరం వినకుండా 
దురద చెవులతో 
హృదయ తలుపులు మూసుకున్నప్పుడు 

వెలుగును చీకటిని కలిపి 
ఒకటిగా చూసే 
దృక్పదాన్ని నింపుకొని 
ఎదురుగా 
శిక్షని చేత పట్టుకున్న దూతని 
చూడలేక 
ఆత్మీయ అంధత్వం 
కనులను మూసేసినపుడు ..

యజమాని ఏంటి? 
యజమానులు భయపడే యజ్ఞుడైతే 
ఏంటి ?
బుద్ధి చెప్పేందుకు 
గాడిదే చాలు !

దేవుని తలంపులు మనవంటివి 
కావని 
గుర్తుచేసేందుకు గాడిదే చాలు 
దారి తప్పిన 
గురి తప్పిన 
పట్టు సడలిన క్షణాల్లో 
మనిషిని 
మంచికి పాత్రగా వాడుకునేందుకు 
దైవ చిత్తానికి వ్యతిరేకులయ్యి 
అసమాధానానికి కారణం అయ్యే క్షణాల్లో 

ఆ దైవానికి 
లోబడని నీకన్నా ..నా కన్నా 
తన పని జరిగించే గాడిద చాలు 

జ్ఞానవంతులం అని విర్ర వీగే మూర్కులకన్నా 
తన పని కొసం వెర్రి వారైన సాత్వికులే చాలు 
by -Mercy Margaret ( 12/8/2012)