|| మానవుల మధ్యకు మానవుడై || by Mercy Margaret
-----------------------------------------
ఆదియందు వాక్యం ఉంది
వాక్యం దేవునితో ఉంది
వాక్యమే దేవుడైయండి

కాలము సంపూర్ణమైనప్పుడు
లేఖనాలలోని ప్రవచనాల నెరవేర్పు కోసం
శరీరధారియై
మానవుల మధ్యకు మానవుడై

పాపం చేసి కోల్పోయిన మహిమను
తిరిగివ్వడానికి
లోకపాపాలన్నీ మోసుకు పోయే దేవుని గొర్రెపిల్లగా
సాత్వికంగా దిగొచ్చింది

ఇమ్మానుయేలుగ నీతో నాతో ఉండడానికి
దైవం దిగొచ్చింది
------------------------ by mercy margaret (25/12/2012)----